ავთანდილ გიორგაძე ახორციელებს ბრალდებულის, მოწმის, დაზარალებულის, მსჯავრდებულის, არასრულწლოვნისა და ძებნილი პირის უფლებების დაცვას სისხლის სამართლის პროცესის ყველა ეტაპზე — გამოძიებაში, პირველი ინსტანციის სასამართლოში, სააპელაციო და საკასაციო წარმოებაში.
სამართლებრივი დახმარება ასევე მოიცავს ექსტრადიციის საქმეებსა და ადამიანის უფლებათა ევროპულ სასამართლოში წარმომადგენლობას.
გადაუდებელი სამართლებრივი დახმარება
თუ პირი დააკავეს, იბარებენ პოლიციაში, ემუქრება ბრალის წარდგენა ან პროკურატურა პატიმრობას ითხოვს, ადვოკატის დროული ჩართვა განსაკუთრებით მნიშვნელოვანია.
ადვოკატი აფასებს შექმნილ ვითარებას, განუმარტავს პირს მის უფლებებს და გეგმავს აუცილებელ პირველად სამართლებრივ მოქმედებებს, რაც წინაპირობაა პირის უფლებების ჯეროვნად დაცვისათვის.