განთავსდეს მხოლოდ რეალური შეფასებები. ისეთი ინფორმაცია, რომლითაც კლიენტის ან კონკრეტული საქმის ამოცნობა შეიძლება, გამოქვეყნდეს მხოლოდ შესაბამისი თანხმობის არსებობის შემთხვევაში.
ჩემს არასრულწლოვან შვილს პროკურატურა ედავებოდა ქურდობის ჩადენას. ავთანდილ გიორგაძემ შეიმუშავა დაცვის სტრატეგია და ჩაატარა ალტერნატიული გამოძიება, შედეგად ჩემი შვილი თბილისის სააპელეციო სასამართლოს მოსამართლე თეა ლეონიძემ სრულად გაამართლა. მადლობელი ვარ ადვოკატის, რადგან მან ყველაფერი გააკეთა ჩემი შვილის ინტერესების დასაცავად. მისი ცოდნის, გამოცდილებისა და მაღალი პროფესიონალიზმის დახმარებით მივაღწიეთ ამ შედეგს.
სისხლის სამართლის საქმეზე ჩემს ინტერესებს იცავდა ავთანდილ გიორგაძე. ბრალად მედებოდა განსაკუთრებით მძიმე დანაშაულის ჩადენა და გამტყუნების შემთხვევაში სასჯელად მელოდა 20 წლამდე ან უვადო თავისუფლების აღკვეთა. ჩემი ადვოკატის ბრძოლის დამსახურებით სასამართლომ უდანაშაულოდ მცნო და გამამართლა. მადლობა ავთანდილ გიორგაძეს , რომ ძალისხმევა არ დაიშურა ჩემს გასამართლებლად.
პროკურატურამ ბრალი წარმიდგინა მუქარის ფაქტზე, იმავე ადამიანის მიმართ, რომლისთვისაც ერთხელ უკვე ვიყავი ნასამართლევი. „დაზარალებულს“ ჰყავდა ცრუ მოწმეები და თითქოს ერთი შეხედვით აუცილებლად ჩემი დამნაშავედ ცნობა უნდა მომხდარიყო. თუმცა ავთანდილ გიორგაძემ პროკურატურის პარალელურად, ფაქტობრივად ახალი გამოძიება ჩაატარა და სასამართლოს დაუმტკიცა, რომ დაზარალებულიც და მის მიერ წარმოდგენილი მოწმეებიც იყვნენ დაინტერესებული პირები, მათ ჰქონდათ სამოქალაქო დავა ჩემთან და ჩემს წინააღმდეგ აძლევდნენ ცრუ ჩვენებებს. ავთანდილ გიორგაძემ არამარტო ისინი ამხილა ცრუ ჩვენების მიცემაში, არამედ მოიძია და სასამართლოს წინაშე დაკითხა ნეიტრალური მოწმეები, რომლებიც აღწერდნენ რეალურად განვითარებულ მოვლენებს. სწორედ მისი ძალისხმევით მცნო თბილისის საქალაქო სასამართლოს მოსამართლე ლელა შკუბულიანმა სრულად უდანაშაულოდ და გამათავისუფლა სასამართლო სხდომის დარბაზიდან.
მოწმედ გამოკითხვამდე მივმართე ბატონ ავთანდილს. წინასწარ ამიხსნა ჩემი უფლებები და ისიც, რისთვის უნდა მიმექცია ყურადღება. დაესწრო ჩემს გამოკითხვას და დამეხმარა ჩემი უფლებების დაცვაში. ჩემთვის ძალიან მნიშვნელოვანი იყო, რომ გამოკითხვამდე უკვე ვიცოდი, რა უფლებები მქონდა და რა რისკები უნდა გამეთვალისწინებინა.
ავთანდილ გიორგაძესთან სააპელაციო ეტაპზე ვითანამშრომლეთ. ადვოკატმა განაჩენისა და საქმის მასალების შესწავლის შემდეგ მოამზადა დასაბუთებული საჩივარი. განსაკუთრებით მასთან კომუნიკაციით დავრჩით კმაყოფილი, გასაგებად გვიხსნიდა საქმის მიმდინარეობას და არცერთი კითხვა უპასუხოდ არ რჩებოდა.
გამოძიების ეტაპზე მივმართეთ ავთანდილს. საქმეში არსებული მტკიცებულებების შეფასების შემდეგ აგვიხსნა, სად იყო ბრალდების სუსტი მხარეები და რა საკითხები წარმოადგენდა დაცვისთვის სირთულეს. დაცვის სტრატეგია და შემდგომი ნაბიჯებიც წინასწარ დაგეგმა, რისი დახმარებითაც მივაღწიეთ ჩვენთვის სასურველო შედეგს.
ავთანდილი ჩემს ინტერესებს იცავდა გამოძიების ეტაპზე ჩემი დაკავებიდანვე. იმ დროს ბევრი კითხვა მქონდა ჩემს უფლებებზე, პროცედურებზე, რისკებზე და მოსალოდნელ საფრთხეებზე. ყველაფერი გასაგებად ამიხსნა. დაესწრო ჩემი ბრალის წარდგენას და აღკვეთის ღონისძიების განხილვაშიც მიიღო მონაწილეობა. სასამართლოს მიუთითა მნიშვნელოვან გარემოებებზე ჩემი პოზიციის გასამყარებლად. საქმის მიმდინარეობის შესახებ ინფორმაციას დროულად ვიღებდით.
უპასუხეთ ოთხ მოკლე კითხვას და ადვოკატი დაგიკავშირდებათ.
ნაბიჯი 1 / 4
