ავთანდილ გიორგაძე — პროფესიული გამოცდილება და კვალიფიკაცია
ავთანდილ გიორგაძე კერძო იურიდიულ პრაქტიკას ახორციელებს 2007 წლიდან და მრავალი წელია საქმიანობს სისხლის სამართლის მიმართულებით. მისი პროფესიული გამოცდილება მოიცავს საქმიანობას სხვადასხვა იურიდიულ კომპანიაში, საქართველოს იუსტიციის სამინისტროს გენერალურ ინსპექციასა და თბილისის სააპელაციო სასამართლოს სისხლის სამართლის საქმეთა პალატაში, ასევე სისხლის სამართლის საქმეებზე მრავალწლიან კერძო საადვოკატო პრაქტიკას.
ავთანდილ გიორგაძე საადვოკატო საქმიანობის ფარგლებში იცავს ბრალდებულების, დაკავებული პირების, მოწმეების, დაზარალებულების, მსჯავრდებულების, არასრულწლოვნებისა და ძებნილი პირების უფლებებს. ადვოკატის პროფესიული სამართლებრივი დახმარება მოიცავს დაცვას გამოძიების ეტაპზე, პოლიციასა და პროკურატურაში, აღკვეთის ღონისძიების განხილვისას, საქმის არსებითი განხილვისას პირველი ინსტანციის, სააპელაციო და უზენაეს სასამართლოებში.
ადვოკატის საქმიანობის მიმართულებები ასევე მოიცავს სისხლის სამართლის სფეროში საერთაშორისო სამართლებრივი თანამშრომლობის საკითხებს, მათ შორის, პირის ექსტრადიციის პროცესებთან დაკავშირებულ საკითხებს; ინტერპოლის წითელი ცირკულარისა და საერთაშორისო ძებნის საკითხებს; სასჯელის მოხდის მიზნით მსჯავრდებულთა სახელმწიფოთაშორის გადაცემის პროცედურებს; ადამიანის უფლებათა ევროპული სასამართლოსათვის მიმართვის საკითხებს.
ავთანდილ გიორგაძის პროფესიული პრაქტიკა დაკავშირებულია სხვადასხვა კატეგორიის დანაშაულებთან, მათ შორის:
- ნარკოტიკული დანაშაულები;
- საკუთრების წინააღმდეგ მიმართული დანაშაულები;
- საზოგადოებრივი უშიშროებისა და წესრიგის წინააღმდეგ მიმართულ დანაშაულები;
- სიცოცხლის წინააღმდეგ მიმართული დანაშაულები;
- ჯანმრთელობის წინააღმდეგ მიმართული დანაშაულები;
- ადამიანის უფლებებისა და თავისუფლებების წინააღმდეგ მიმართული დანაშაულები;
- სამეწარმეო ან სხვა ეკონომიკური საქმიანობის წინააღმდეგ მიმართულ დანაშაულები;
- სატრანსპორტო დანაშაულები;
- სამოხელეო დანაშაულები და ა.შ.
ავთანდილ გიორგაძე არის სამართლის მაგისტრი სისხლის სამართლის მიმართულებით. მას ჩაბარებული აქვს ადვოკატის საკვალიფიკაციო გამოცდა საერთო სპეციალიზაციით და მოსამართლის საკვალიფიკაციო გამოცდა სისხლის სამართლის მიმართულებით. იგი ფლობს საერთო სპეციალიზაციის ადვოკატის ლიცენზიას და სპეციალიზებულია არასრულწლოვანთა მართლმსაჯულებასა და ბავშვის უფლებებში.
პროფესიული საქმიანობის განმავლობაში მას მონაწილეობა აქვს მიღებული სისხლის სამართლის, სისხლის სამართლის პროცესის, მართლმსაჯულებისა და ადამიანის უფლებების საკითხებზე გამართულ სხვადასხვა ტრენინგებსა და კონფერენციებში.
საადვოკატო პრაქტიკისას, იურიდიულ კომპანიებსა და სახელმწიფო დაწესებულებებში მიღებული გამოცდილება, პროფესიული კვალიფიკაცია, მოქმედი კანონმდებლობისა და შესაბამისი სასამართლო პრაქტიკის ცოდნა შესაძლებლობას აძლევს, თითოეული საქმე შეაფასოს მისი ინდივიდუალური ფაქტობრივი და სამართლებრივი გარემოებების გათვალისწინებით.
საქმეზე მუშაობა ეფუძნება მტკიცებულებების დეტალურ შესწავლას, სამართლებრივი რისკების შეფასებას, სასამართლო პრაქტიკის ანალიზსა და დაცვის ინდივიდუალური სტრატეგიის შემუშავებას. განსაკუთრებული მნიშვნელობა ენიჭება კონფიდენციალურობას, კლიენტთან ინფორმირებულ კომუნიკაციასა და კანონით გათვალისწინებული დაცვის შესაძლებლობების სრულყოფილად გამოყენებას.