როგორ უნდა მოვიქცეთ  თუ პოლიცია ,,ჩხრეკას“ ატარებს?

• ჩხრეკისას იძებნება და ამოიღება მხოლოდ ის საგანი, რომელიც აღნიშნულია განჩინებაში ან დადგენილებაში. ხშირად ამოიღებენ სხვა არადაკავშირებულ საგნებსაც, რაც უკანონობაა!
• გამომძიებელმა შესაძლოა ადგილზე მყოფი სხვა პირებიც გაჩხრიკოს, რისი კანონიერებაც სასამართლომ უნდა დაამტკიცოს.
• ჩხრეკის დაწყების წინ დაურეკეთ და მოიწვიეთ ადვოკატი ეს თქვენი უფლებაა! თუ არ გაკავშირებენ ადვოკატს ეს უკანონობაა!
• მოიწვიეთ დამსწრე პირი, რომელიც ყურადღებით დააკვირდება ჩხრეკის პროცესს და გადაიღებს ტელეფონით! ეს კანონით ნებადართულია!
• ადვოკატის გარეშე არ მიიღოთ მონაწილეობა არანაირი საგამოძიებო მოქმედებაში, არ მისცეთ ჩვენება და ა.შ.
• ხშირად ჩხრეკა ჩატარებულია, აღიარებითი ჩვენება მიცემულია და მხოლოდ  შემდეგ აძლევენ უფლებას მოიწვიონ ადვოკატი, რაც კანონის დარღვევაა.
• არანაირი ჩხრეკა, ნიმუშის აღება, აღიარებითი ჩვენება ადვოკატის გარეშე. თქვენი ერთადერთი სიტყვა უნდა იყოს    ,,ადვოკატი!“
• ადვოკატის გარეშე ხელი არ მოაწეროთ არანაირ დოკუმენტს.
• მოსთხოვეთ ჩხრეკის პროცესი გადაიღონ,  ეს მათი ვალდებულებაა, ან თქვენვე  გადაიღეთ, ეს  თქვენი უფლებაა. თუ ჩხრეკის გადაღების უფლება  არ მოგეცათ ეს დააფიქსირეთ ჩხრეკის ოქმში.
• თუ პოლიცია რაიმე მიზეზით ვერ ახერხებს ვიდეო გადაღებას, მაშინ მოაწვევინეთ გარეშე დამსწრე პირი, ეს მათი ვალდებულებაა! სხვანაირად ჩხრეკა არ დააწყებინოთ.
• ყურადღებით გაეცანით ჩხრეკის ოქმს, შეიტანეთ მასში უმნიშვნელოვანესი დეტალებიც კი და დაიტოვეთ ამ ოქმის ასლი.
• ჩაამონტაჟეთ  მინიატურული ჩამწერი აპარატი ტანისამოსში  და ფარულად ჩაიწერეთ ჩხრეკის პროცესი. (დაგვიკავშირდით და გირჩევთ სად შეიძლება შეიძინოთ მსგავსი აპარატი)

დამატებითი კონსულტაციის მიღების მიზნით, გთხოვთ დაუკავშირდეთ ადვოკატს.

საიტი პასუხს არ აგებს აღნიშნულ სტატიაზე, მასში მოყვანილი ინფორმაციის სიზუსტესა და გამოყენებული ლიტერატურის ან საავტორო უფლებების დაცულობის საკითხზე.